Apoia ás traballadoras do téxtil!
Necesitamos a túa axuda. A cidadanía pode presionar e apoiar a nosa loita e as nosas mobilizacións. Déixanos o teu contacto e dirémosche como. Toda axuda é necesaria!
Comeza o conflito do Retal
O Convenio Estatal da Industria Téxtil e da Confección mantén a miles de traballadoras na precariedade, con salarios que non alcanzan nin o SMI en máis de 150 categorías. Aínda que é un sector industrial clave, as condicións salariais son tan baixas que non hai diferenza entre ser peón ou oficial. Quen traballa de noite ou en condicións especiais reciben o mesmo salario, sen incentivos nin recoñecemento.
Este sector feminizado, onde o esforzo das mulleres sostén a produción, merece mellores condicións. A patronal segue ignorando as nosas propostas, perpetuando a explotación e a falta de xustiza laboral.
Necesitamos a túa axuda, por iso, súmate a esta loita para mellorar as condicións laborais e conseguir un cambio real. Está nas túas mans!
Que pedimos?
1. Salario
Queremos salarios dignos e recuperar o poder adquisitivo que se perdeu nos últimos anos.
2. Xornada
Esiximos a redución da xornada máxima anual porque está moi por encima da media de España.
3. Categorías
Solicitamos modernizar e actualizar o sistema de clasificación profesional por grupos profesionais.
4. Fenda
Pelexamos para acabar coa fenda salarial: os traballos de igual valor téñense que retribuír de forma equitativa.